Verán Verán nº06 | 2026

No programa desta semana imos falar do tempo con David Domínguez, creador de Redmeteo e unha das grandes referencias meteorolóxicas do país. Tamén coñeceremos o labor que desenvolve nas distintas comarcas da ría de Arousa o colectivo TDAH Salnés. E na parte final do programa recibiremos á francesa-meisina Amélie Trotet, artista escénica, bailarina e acróbata. No capítulo de festas, estaremos na Exaltación do Mexillón no Cabo de Cruz, en Boiro; na Feira do Cabalo de Meis, no Día do Mariñeiro en Portonovo, no Carme dos Pincheiros da Pobra e na Festa da Auga de Vilagarcía.