Verán Verán nº04 | 2026

No programa desta semana imos coñecer o traballo que está a realizar a Comunidade Téxtil do Umia a prol da recuperación do liño galego. Con Myriam Viéitez, instrutora de ioga, organizaremos unha clase para coñecer un pouco máis esta disciplina. Tamén recibiremos ao actor Flako Estévez, un dos grandes protagonistas da Festa do Albariño de Cambados, cun pregón cheo de humor e retranca. Precisamente, no capítulo de Festas estaremos no Albariño, pero tamén na Festa do Mexillón de Rianxo, na Feira Gastronómica de Produtos Galegos en Sanxenxo ou na Vikinguiña en Catoira.